Сариева Вера Садыковна

Сариева Вера Садыковна 1955-жылы 5-августта Нарын облусунун Ат-Башы районундагы 1-Май айылында төрөлгөн.

1974–1979-жылдары Москва шаарындагы М. С. Щепкин атындагы жогорку театралдык окуу жайда билим алган.

1979–1982-жылдары Ош драма театрында актриса болуп эмгектенген. 1983-жылдан тартып Т. Абдумомунов атындагы Кыргыз улуттук академиялык драма театрында чыгармачылык ишмердүүлүгүн улантып келет.

1995-жылы «Кыргыз Республикасынын эмгек сиңирген артисти», 2024-жылы «Кыргыз Республикасынын эл артисти» ардактуу наамдарына ээ болгон.

Сыйлыктары жана жетишкендиктери

1. 1995-жылы – «Кыргыз Республикасынын эмгек сиңирген артисти» ардактуу наамы.
2. 1995-жылы – «Манас – 1000» юбилейлик медалы.
3. 1997-жылы – Бакен Кыдыкеева атындагы сыйлыктын лауреаты.
4. 2010-жылы – Кыргыз Республикасынын Ардак грамотасы.
5. 2022-жылы – Астана шаарында өткөн «TeatrALL» эл аралык театр фестивалынын катышуучусу (Гран-при).
6. 2024-жылы – «Кыргыз Республикасынын эл артисти» ардактуу наамы.

Театрда жараткан негизги ролдору

1. Еврипид, «Медея» – Медея.
2. М. Гапаров, «Туздуу чөл» – Атаева.
3. К. Акматов, «Ажырашуу» – Канайым.
4. М. Карим, «Ай тутулган түндө» – Зубаржат.
5. Ю. О’Нил, «Дарак түбүндөгү махабат» – Абби.
6. М. Абылкасымова, К. Иманалиев, «Атаке баатыр» – Бегимжан.
7. Б. Жакиев, «Атанын тагдыры» – Бурул.
8. С. Злотников, «Эки пудель» – Аял.
9. А. Шницлер, «Сүйүү айлантмасы» – Амур, актриса.
10. Д. Фо, Ф. Раме, «Күтөм сени, сүйгөнүм» – Аял.
11. Г. Гапарова, М. Гапаров, «Куурчакты өлтүргүлө же кызганчаак аялдардын кечи» – Элеманова.
12. Ф. Г. Лорка, «Кандуу той» – Леонардонун аялы.
13. С. Ахмад, «Келиндер козголоңу» – Мехри.
14. У. Шекспир, «Кут каган» – Калтарбегим (Гонерилья).
15. Дельмар, «Эртеңкиге ордуңду бошот» – Нелли.
16. В. Стратиев, «Автобус» – Ашык кыз.
17. Ш. Балубеков, «Алаамат» – Темир аял.
18. К. Акматов, «Азаттыгым арманым» – Эне, келин.
19. Р. Шүкүрбеков, «Жапалак Жатпасов» – Аялы.
20. Ж. Садыков, «Сейтек» – Карагач.
21. М. Касенов, «Алда, жаш жубайлар-ай» – Лаззат, Газиза.
22. Б. Жакиев, «Жүрөлүчү жүрөк оорутпай» – Небере.
23. М. Гапаров, «Бар үмүтүм сенде, София Булан» – Аял, азалуу аял.
24. Б. Өмүралиев, «Тагдырдын өгөй балдары» – Ахмеддин энеси.
25. Т. Уильямс, «Эңсөө трамвайы» – Юнис.
26. А. Куросава, «Трамвай дөңгөлөктөрүнүн добушунда» – Хея.
27. Ж. Кулманбетов, «Кагылайын Манасым» – Кошокчу.
28. Т. Абдумомунов, «Абийир кечирбейт» – Азиза.
29. Ч. Айтматов, «Ак кеме» – Гүлжамал, эне.
30. У. Шекспир, «Гамлет» – Артистка.
31. Ч. Айтматов, М. Шаханов, «Сократты эскерүү түнү» – Хуе Хао.
32. Б. Жакиев, «Жолугушуу» – Зал башчысы.
33. Ч. Айтматов, «Чыңгызхандын ак булуту» – Саймачы.
34. С. Ахмад, «Күйөө бала» – Рахбар.
35. «Карагул ботом» (көчө спектакли) – Эне.
36. А. Темирова, «Сынык асман» – Дана.
37. Ч. Айтматов, «Саманчынын жолу».
38. Ж. Сарман, «Мамурэ» – Мамурэ.

Телепостановкаларда жараткан ролдору

1. Джек Лондон, «Жашоо кызык» – Сахналаштыруунун автору жана аткаруучу.
2. «100 кышкы түн» (Лениндин акыркы күндөрү) – Сахналаштыруунун автору жана аткаруучу.
3. А. Куприн, «Суламифь» – Сахналаштыруунун автору жана аткаруучу.
4. «Океандагы арал» – Маша.
5. «Шляпа» – Аялы.
6. «Кыш эрте түшкөндө».
7. А. Вампилов, «Июндагы коштошуу» – Комсорг.
8. Т. Абдумомунов, «Атабектин кызы» – Кызы.
9. М. Гапаров, «Темир корук» – Кыз.