Барманова Жанара

Барманова Жанара Токторалиевна 1986-жылы 14-октябрда Талас облусунун Талас шаарында төрөлгөн. 2004–2009-жылдары Б. Бейшеналиева атындагы искусство институтунда билим алган. 2006-жылы «Миң кыял FM» радиосунда ди-джей болуп иштеген. 2008-жылы УТРКнын «Ала-Тоо» маалымат программасында дикторлук кызматты аркалаган. 2007-жылдан тартып Т. Абдумомунов атындагы Кыргыз улуттук академиялык драма театрында актриса болуп эмгектенип келет.

Театрда жараткан ролдору:

1. Ч. Айтматов «Чыңгызхандын ак булуту» – Саймачы кыз
2. Т. Теменов «Алма багы» – Гаухар
3. Б. Калчабаева «Баяндуу махабат» – Жумагүл
4. Р. Оторбаев «Тагдыр» – Жанна, Токжан
5. «Калиф Аист» – Аист
6. «Снеговик» – Снегурочка
7. Л. Хюбнер «Куру намыс» – Кыз
8. Ж. Садыков «Манастын уулу Семетей» – Кишимжан
9. Ш. Садыбакасов «Ак боз ат» – Биринчи аялы
10. С. Раев «Оо, кыздар» – Зейне
11. М. Гапаров «Туздуу чөл» – Кыз
12. А. Несин «Торостук зөөкүр» – Кызы
13. В. Дельмар «Эртеңкиге ордуңду бошот» – Кора

Кинодо жараткан ролдору:

1. Б. Шамшиев «Жаңгактар токоюндагы арбактар» – Уламыш-Чолпон
2. Ы. Окенова «Президент жана бомж» – Касиет
3. Э. Абдыжапаров «Саякбай» – Апасынын жаш кези
4. С. Куренкеев «Шумдук шери не» – Жанара
5. А. Дайырбеков «Эрмен жыты» – Жийде